អ្នកវិភាគ៖ អនុសាសន៍របស់នាយករដ្ឋមន្ត្រីជប៉ុនអាចជាសញ្ញានៃការបញ្ចប់ភាពទាល់ច្រកខាងនយោបាយនៅកម្ពុជា ខណៈលោកហ៊ុន សែន មានការតាំងចិត្តកែទម្រង់
នៅក្នុងដំណើរទស្សនកិច្ចរបស់លោកនាយក រដ្ឋមន្ត្រីជប៉ុន ហ្ស៊ីនសូ អាបេ ដែលបានបញ្ចប់នៅថ្ងៃអាទិត្យ ទី១៧ ខែវិច្ឆិកា បានផ្តើមឲ្យមានការបើកទំព័របរិបទនយោបាយថ្មីទៀតនៅកម្ពុជា។ ក្នុងដំណើរទស្សនកិច្ចនេះ លោក ហ្ស៊ីនសូ អាបេ បានស្នើនៅចំពោះមុខ លោកនាយករដ្ឋមន្ត្រី ហ៊ុន សែន ឲ្យខិតខំជួយស្តារឡើងវិញសិទ្ធិសេរីភាពនយោបាយនៅកម្ពុជា ប្រយោជន៍ឲ្យប្រទេសជប៉ុនមានទំនុកចិត្តលើកិច្ចសហប្រតិបត្តិការ ទ្វេភាគីរវាង ប្រទេសទាំងពីរ ។ លោកអាបេ រំពឹងថា ស្ថានភាពក្រោយថ្ងៃបោះឆ្នោត និងវិលមករកភាពប្រក្រតីវិញយ៉ាងឆាប់ គឺតាមរយៈការសន្ទនា រវាងភាគីនយោបាយខ្មែរដែលជាប់ពាក់ព័ន្ធ។
